Welkom!
Dagsê!
Baie welkom op ons webtuiste. Hoop jy geniet dit. Hier is baie om te sien. Ons sal graag enkele aspekte van ons gemeente met jou wil deel.
Die Gemeente het sy 50ste verjaarsdag in 2007 gevier. Ons het nog die tradisionele kerkgebou en liturgiese ruimte, maar tegnologies is ons nie gestremd nie en presteer ons goed met 'n goeie klankstelsel, oorhoofse projektor, DVD - speler, klankbord, ens.
Die gemiddelde ouderdom van die gemeente is ±39.5 jaar met 23 lidmate wat 80+ is, 4 wat 90+ is, met die grootste gros wat tussen 19 en 45 jaar oud is.
Die gemeente funksioneer nie meer op 'n wykstelsel wat geografies afgebaken word nie. Ons het die behoefte onder ons raakgesien om vrylik met ons medegelowiges te assosieer in groepsverband. Soos bv. die omgeegroepe of vriende wat bymekaar kom; of gemeentevriende en families wat 'n groep vorm. Daar is dan ook groepe wat bedien word deur 'n groepsleier ens. So sal jy aflei ons is na binne gerig op verhoudinge. Ons wil graag omgee.
Ons het ook 3 dienste op 'n Sondag wat gelyk loop. Die gemeente-erediens in die kerk, die kinderkerk in die saal en die Tjommiekerk in die kerkhuis. Kuier maar bietjie onder die skakels.
Ons oues/seniors kuier ook elke 2de week op 'n Woensdag saam. Hulle het ook allerhande interessante aktiwiteite. Hulls is ook diensbaar in die gemeente en is tot groot hulp vir mekaar.
Ons gemeente is in 'n voorstedelike area, maar ons lidmate kom maar van oral oor. Hier is pragtige winkelsentrums, woonstelblokke, meenthuiskomplekse, skole (hoërskole en laerskole, Afrikaan en Engels). Ons bly in 'n lekker dorp met wonderlike mense as jy hulle eers leer ken.
Reik ons uit na buite? Ja, natuurlik! Behalwe vir die 8 sendelinge wat ons ondersteun, is ons plaaslik betrokke by die Ebenezergemeente in McKenzie Park wat uitreik na die Indiër-, bruin - en swartwoonstelblokke en plakkerskampte. Ons help met hulle 3 sopkombuise elke week. Ons is ook finansieël betrokke by die "Rape & Crisis Centre" in die dorp.
Kuier gerus lekker rond of kontak ons indien jy meer vrae het.
Jy is baie welkom om Sondae-oggende om 09:00 saam met ons die Here te kom aanbid.
Groetnis.